சென்னை: அஜீத்தின் ஆரம்பம் படம் தீபாவளிக்கு இரு தினங்களுக்கு முன்பே அக்டோபர் 31-ம் தேதி உலகம் முழுவதும் வெளியாகிறது. ஏ.எம்.ரத்னம் தயாரிப்பில் லிஷ்ணுவர்தன் இயக்கத்தில் உருவாகியுள்ள புதிய படம் ‘ஆரம்பம்'.
அஜீத்துடன், ஆர்யா, நயன்தாரா,டாப்சி ஆகியோர் நடித்துள்ளனர். இந்தப் படம், தீபாவளி வெளியீடாக திரைக்கு வருகிறது.
ஆனால் தீபாவளி தினமான நவம்பர் 2 ந்தேதி வெளியிடாமல் அதற்கு முன்னதாக அக்டோபர் 31 ஆம் தேதியே (வியாழக்கிழமை) படத்தை வெளியிடுகின்றனர். இந்த படத்தில், தெலுங்கு நடிகர் ராணா முக்கிய வேடம் ஒன்றில் நடித்துள்ளார்.
அத்துடன் ஒரு பாடலுக்கு நடனமும் ஆடியிருக்கிறார். மங்காத்தாவுக்குப் பிறகு வெற்றிப் படத்துக்காகக் காத்திருக்கும் அஜீத், ஆரம்பம் மூலம் அசத்துவார் என ரசிகர்கள் காத்திருக்கின்றனர்.